Blogger Template, Blogger responsive template, Wordpress Thame, YouTube tips and tricks, Video effects, Audio Recording software, Photoshop, Sony Vagas, Adobe Premiere Pro, best solution of every sector etc.
Loading...

एकवर्षे शिशुसहित ठगीको आरोपमा महिला पक्राउ

सिन्धुली, कात्तिक २६ । 
वर्दिबास स्थित साना किसान कृषि सहकारीका अध्यक्ष सुरेन्द्र लामाले आर्थिक हिनामिना गर्दै सञ्चालकलाई उल्टै जेल हालेका छन् । सिन्धुली ढुङ्ग्रेवास घर भई तिन महिनादेखी व्यवस्थापक पदमा कार्यरत आफुलाई झुटा मुद्धामा जेल चलान गरेको सविना वाग्लेले आरोप लगाउनुभयो । एक वर्षको नाबालक शिशु सहित वाग्ले २० दिनदेखी जेलमा हुनुहुन्छ । असार ६ र ७ गते काटिएका ३ लाख ५० हजार रुपैयाँका दुई चेकमा झुक्काएर पटक पटक सही गराएको र बजारवाट विभिन्न सामान सस्थाको नाममा खरिद गरेर आर्थिक हिनामिना गरेको आरोपमा प्रहरीले हिरासतमा राखेको जिल्ला प्रहरी कार्यालय महोत्तरीका ईन्सपेक्टर इकवाल हवारीले वताउनुभयो । 

तर चेक काटिएको ४ दिनपछि २०७० असार ११ गते वाग्लेले नियुक्ती पत्र पाउनुभएको छ भने आर्थिक हिनामिना भएको भनेर हिसाब किताव वुझाउन भन्दै लेखिएको पत्रमा भने अझ वैशाख १ गतेबाट नियुक्ती दिईएको झुटो विवरण समावेस गरिएको छ ।  


युवा तथा स्वरोजगार कोषमा प्राप्त विवरण अनुसार असार महिनामा सो ठगी भएको भनिएको पैसा लगानी भएको छ । कोषले वुझाएको रकमले मानबहादुर सार्की, मुन्ना तामाङ, अन्जु तामाङ, हिमबहादुर मोक्तान, डम्बर बहादुर तामाङलाई जनही २ लाखको दरले र भक्तबहादुर बुलनलाई ५० हजार गरेर जम्मा १० लाख ५० हजार बगुंरपालनमा लगानी भएको छ । पिडित वाग्लेका अनुसार अध्यक्ष लामाले तथ्यहिन प्रतिवेदन पठाएर ठगी गर्दै उल्टै राजनैतिक दबावमा आफुमाथी झुटा आरोपमा जेल चलाईएको वताउनुभयो । पैसा हिनामिनाको त परै जावस् एक महिनाको पनी तलब खान पाएको छैन, वाग्लेले दुखेसो गर्नुभयो ।

 वाग्लेका श्रीमान खड्ग बहादुर देवकोटाले जिल्लाका प्रमुख जिल्ला अधिकारीले आफ्ना कुरा सुन्नै नचाहेको वताउनुहुन्छ । उहाँ भन्नुुहन्छ सिडियोले राजनैतिक दबाब आएको छ भन्दै मेरो कुरा नै सुन्न चाहनुहन्न । एक निर्दोष व्यक्तिमाथी आरोप थुपारेर ठगी गर्ने व्यक्तिलाई प्रशासन र राजनैतिक दलवाट उल्टै संरक्षण भईरहेको छ । एक वर्षे नाबालक छोरा चिसोका कारण विरामी परेको छ भने श्रीमती वाग्लेको स्वास्थ्य अवस्था पनी दिनानुदिन विग्रदै गएको छ, देवकोटाको भनाई छ ।

युवा तथा स्वरोजगार कोषका उपाध्यक्ष डा. पुन्य प्रसाद रेग्मीले सो सस्था अनुसन्धानको घेरामा परेको वताउनुभएको छ । आफुहरुले रकम लगानी भएको प्रतिवेदन पाएको तर काम नभएको उजुरी परेकाले थप अनुसन्धान गरिरहेको र दोषी पाईए कारबाही गर्ने वताउनुभयो । हामीले कसैलाई पनी छाडेका छैनौ, सरकारको लगानी हिनामिना गर्नेलाई जेलनेलसम्मको कारबाही गरिसकेका छौ र छाड्ने पनी छैनौ । पहिलो र दोश्रो किस्ता को २० लाख भन्दा वढी रकम हिनामिना भएको हुन सक्ने भन्दै तेश्रो किस्ता रोक्का गर्न निर्देशन दिईएको पनी रेग्मीले वताउनुभयो ।
स्रोत :खड्ग बहादुर देवकोटा

0 Response to "एकवर्षे शिशुसहित ठगीको आरोपमा महिला पक्राउ"

  • कृपया सभ्य भासामा आफ़्नोमनमा लागेका कुराहरु टिप्पणी मार्फत प्रस्तुत गर्नुहोला।
  • अन्य पाठक हरुलाई समस्या पर्ने खालका टिप्पणी लेखिएको पाइएमा तुरुन्त हटाइने छ।
  • एकवर्षे शिशुसहित ठगीको आरोपमा महिला पक्राउको बारेमा तपाइलाई कुनै समस्या भए यस ब्लग को सम्पादक लाई सम्पर्क गर्नुहोला।
HTML Code